Accessibility links

Ақтөбеде "терроризмге қатысы бар" деген айыппен 8 адам сотталды


Ақтөбе гарнизоны әскери сотының ғимараты. Ақтөбе, 19 қазан 2011 жыл. (Көрнекі сурет)

Ақтөбе гарнизоны әскери сотының ғимараты. Ақтөбе, 19 қазан 2011 жыл. (Көрнекі сурет)

Ақтөбе облысының қылмыстық істер бойынша мамандандырылған ауданаралық соты "терроризмге қатысы бар" деген айыппен сегіз адамды соттады деп хабарлайды "Интерфакс-Қазақстан" агенттігі облыстық соттың баспасөз қызметіне сілтеп.

Облыстық соттың баспасөз қызметінің айтуынша, сегіз адамның біреуі - 19 жылға, екеуі - 15 жылға, екеуі -12 жылға, екеуі - 5 жылға, біреуі 4 жылға бас бостандығынан айырылған.

19 жылға сотталған - "қылмысты ұйымдастырды" деп айыпталған 25 жастағы азамат. Басқалары - 20-26 жас аралығындағы жергілікті тұрғындар.

Ақтөбеде 10 шілдеде 22 жастағы жігітті атып кеткен еді. Кейін оған қатысты үш күдікті ұсталған. Полиция "қарсылық көрсеткен топтың 24 жастағы мүшесін атып өлтіргенін" мәлімдеген. Кейін құқық қорғау органдары күдіктілердің террористік топ құрғанын анықтағандарын айтты.

Сотталғандар жазаларын қатаң режимдегі колонияда, оның ішінде алғашқы бес жылын түрмеде өтейді.
XS
SM
MD
LG