Accessibility links

Назарбаева Жаңаөзенге қатысты пікірін айтты


Дариға Назарбаева zakon.kz ақпараттық порталында онлайн конференция өткізді. Алматы, 12 қаңтар 2012 жыл.

Дариға Назарбаева zakon.kz ақпараттық порталында онлайн конференция өткізді. Алматы, 12 қаңтар 2012 жыл.

Президент Нұрсұлтан Назарбаевтың үлкен қызы Дариға Назарбаева Жаңаөзенде желтоқсанның 16-сы күні болған оқиғаларға "жағдайды бетімен жіберген жауапты тұлғалардың қырсыздығы да себеп болды" деді. Дариға Назарбаева бұл туралы бүгін zakon.kz ақпараттық порталында өткізген онлайн конференциясында.

"Аталған аймақтың ерекшелігін, қыр-сырын, ондағы ішкі және сыртқы процестерді елемей, жағдайды бетімен жіберген жауапты адамдардың қырсыздығы анық көрініп тұр. Әрине, жағдай кеше ғана бастала салған жоқ. Ол ұзақ уақыттан бері пісіп-жетіліп келе жатқан. Өкінішке қарай, соңы осындай қақтығыс пен қантөгіске ұласты" деген Назарбаева Жаңаөзен оқиғасына қатысты.

Ол сондай-ақ "Бұл трагедияның себебі біз ойлағаннан арыда жатыр. Ол тек еңбек дауынан ғана туындамаған" деген.

Дариға Назарбаева "Нұр Отан" партиясының атынан 15 қаңтарда өтетін парламент жәжілісінің депутаттығына үміткер ретінде ұсынылған.
XS
SM
MD
LG