Accessibility links

Chelsea академиясындағы қазақ футболшысы


Chelsea футбол клубының жас ойыншысы Дариус Нуритов.
Chelsea футбол клубының жас ойыншысы Дариус Нуритов.

Лондонда тұратын 7 жасар қазақ баласы Дариус Нуритовты Ұлыбританияның Chelsea («Челси») жастар академиясы оқуға тегін қабылдаған. Ерекше қабілетімен көзге түскен Дариус – қазір Chelsea Regent's Park жастар лигасы аудандық құрамасының капитаны.


Дариустің әкесі Азиз Нуритов осыдан 3 жыл бұрын Chelsea футбол командасының балаларға арналған жаттықтыру сабақтарын өткізетінін естіп, баласын апарған екен. Дариус жаттығу ойындарында 4 жастағы балалар арасында «аптаның ең мықты ойыншысы» деп танылып, сыйлық алған.

–Дариус содан бері футбол ойындарына үзбей қатысып, өзін жақсы ойыншы ретінде таныта білді. Әр ойыннан жүлдемен оралады, – дейді әкесі Азиз Нуритов.

«ЖАҢА МЕССИ»

Дариус Нуритов әйгілі футболшылар Фернандо Торрес пен Дидье Дрогбаны үлгі тұтады. Дариустың командадағы номері де Торреспен бірдей – 9-номер екен.

Chelsea Regent's Park құрамасының жаттықтырушысы Джеймс Дариустың
Chelsea футбол клубының жас ойыншысы Дариус пен әкесі Азиз Нуритов.
Chelsea футбол клубының жас ойыншысы Дариус пен әкесі Азиз Нуритов.
жылдамдығын «Барселона» (Испания) футбол клубының аргентиналық ойыншысы Лионель Мессиге теңеп, оны «Жаңа Месси» деп атайды.

Дариустың әкесі, Chelsea футбол клубының жанкүйері Азиз Нуритов бала күнінен әлемге танымал футболшы болуды армандағанын айта келе:

– Ең бастысы – баламның қабілеті көрінуіне себепкер болдым. Қалғанын уақыт көрсетер, – деді.

Азиз Нуритовтың ендігі арманы – Дариусты Chelsea клубының бас академиясына өткізіп, Chelsea ойыншысы ету.

– Әдетте ақысы төленуі тиіс Chelsea академиясы Дариустың өнеріне қызығып, өздері шақырып отыр. Негізгі академияға іліксе, нағыз Chelsea футболшысына айналары сөзсіз, – дейді Азиз Нуритов.

Chelsea жастар академиясы футболды жақсы ойнайтын балаларды қабылдап, Chelsea футбол клубына дайындайды. Бұл академияның ішінде бірнеше ойыншылар командасы бар. Соның ең мықтылары ғана негізгі Chelsea құрамасына өтеді.

ЕКІ КОМАНДАҒА ОРТАҚ ДАРИУС

Дариус Нуритов – тек Chelsea Regent's Park жастар лигасының ғана емес, Лондонның орталығындағы Panthers командасының да ең мықты ойыншысы.

– Арманым – Chelsea-дің футболшысы болу. Егер бұл екі топ бетпе-бет ойнайтын
Chelsea футбол клубының 9-номерлі жас ойыншысы Дариус Нуритов.
Chelsea футбол клубының 9-номерлі жас ойыншысы Дариус Нуритов.
болса, Chelsea жағына шығамын, – дейді Азаттыққа берген сұқбатында жас футболшы Дариус.

«Өткен аптада 8 жасқа дейінгі балалар арасындағы футбол жарысында Дариус ойнаған Panthers жастар лигасы Chapel Boys тобын 6:0 есебімен ойсырата жеңді» деп жазды CamdenNewJournal басылымы.

Дариус әзірше Қазақстанға бармағанын, бірақ Қазақстан мен Өзбекстандағы туыстары келіп тұратынын айтады.

Шетелдік танымал футбол клубтарында Дариус Нуритовтан басқа да қазақ балалары бар.

Бразилиядағы әйгілі «Атлетико Минейро» клубында Алматы облысы Көксу ауданы Бақтыбай ауылынан барған 17 жастағы Рауан Сариев футбол ойнап жүр.
XS
SM
MD
LG