Accessibility links

Латвияда орыс тіліне қатысты референдум өтіп жатыр


Бүгін Латвияда орыс тілінің мәртебесіне қатысты өткізіліп жатқан референдумның алғашқы әтижелері кешке қарай белгілі болады.

Референдумда Латвия Конституциясына орыс тілі латыш тілімен қатар екінші мемлекеттік тіл болып табылады деген өзгертулерді енгізуге қатысты дауыс берілуде.

Бұл түзетулер елдің дауыс беру құқы бар азаматтарының жартысынан көбі мақұлдаса ғана күшіне енетін болады. Бақылаушылар ондай нәтиженің боларына күмәнмен қарайды.

Латвия президенті Андрис Берзиньш референдум алдында азматтарды орыс тіліне мемлекеттік мәртебе берілуіне қарсы дауыс беруге шақырған болатын.

Ал референдумның түпкілікті қорытындысы жексенбі күні таңертең анықталады.

AzattyqTV

Аудиоподкаст

XS
SM
MD
LG