Accessibility links

ЕҚЫҰ: Қырғызстан Fergananews-ті бұғаудан босатсын


Бұғауланған Fergana.ru веб-сайтының басты беті. Көрнекі сурет.

Бұғауланған Fergana.ru веб-сайтының басты беті. Көрнекі сурет.

ЕҚЫҰ-ның баспасөз еркіндігін қорғау жөніндегі өкілі Дуня Миятович Қырғызстан үкіметін Fergananews.com веб-сайтын дереу бұғаудан босатуға шақырды.

Fergana.ru және Fergana.news атауымен белгілі веб-сайтты мемлекет бақылауындағы интернет қызметін ұсынатын "Қырғызтелеком" компаниясы бұғаулап тастаған болатын.

Интернет қызметін ұсынатын тағы бір компания - "Акнетке" де осындай нұсқау берілген. Бірақ басқа провайдерлер өздеріне мұндай нұсқау берілмегенін айтады.

Өткен жылдың маусымында қырғыз депутаттары бұл веб-сайттың ел аумағында таралуына шектеу қоюға дауыс берген болатын. Депутаттар сайтты 2010 жылғы маусымда елдің оңтүстігінде болған этникалық қақтығыстар жайында "біржақты және арандатушылық сипатта" хабар таратты деп айыптаған еді.
XS
SM
MD
LG