Accessibility links

Сайлауда Путиннің жеңіске жеткені хабарланды


Ресейдегі президент сайлауында көпшілік дауыс жинаған премьер-министр Владимир Путин.

Ресейдегі президент сайлауында көпшілік дауыс жинаған премьер-министр Владимир Путин.

Ресейде Владимир Путин сайлаушылардың 64.75 пайыз дауыс жинап, президент атанды деп хабарлады дүйсенбіде орталық сайлау комиссиясының төрағасы Владимир Чуров дүйсенбі.

Оның айтуынша, бюллетендердің 99 пайызы саналған. Путиннен кейінгі орынды 17,19 пайыз дауыс жинаған коммунистік партия жетекшісі Геннадий Зюганов иеленді. Бизнесмен Михаил Прохоров 7,82 пайыз дауыс жинаған. Төртінші және бесінші орындарды Ресей либерал-демократиялық партиясының жетекшісі Владимир Жириновский (6.23 пайыз) мен "Справедливая Россия" партиясының жетекшісі Сергей Миронов (3.85 пайыз дауыс) иеленген.

Жалпы ел бойынша жоғары дауыс жинағанына қарамастан, Путинге Мәскеу сайлаушыларының тек 48 пайызы ғана дауыс берген. Бұл - Ресей аумағындағы ең төменгі көрсеткіш. Владимир Путин ең көп дауыс жинаған аймақтардың арасында Шешенстан тұр. Онда Путинге сайлаушылардың 99,73 пайызы дауыс берген.

Тәуелсіз бақылаушылар сайлау барысында заң бұзу көп болғанын айтады.
XS
SM
MD
LG