Accessibility links

Израиль Газа секторына қайтара соққы берді


Израиль әскерилері Газа қаласына жасаған соққыдан кейінгі көрініс. Газа секторы, 9 наурыз 2012 жыл.

Израиль жексенбіден дүйсенбіге қараған түні Газа секторына тағы да әуеден соққы берді. Тель-Авив мұны палестиналық исламшыл топтардың Израиль аумағын зымырандармен атқылағанына жауап ретінде жасап отыр.

Палестиналық дәрігерлердің айтуынша, Газа мен Хан-Юнис қалаларындағы әуе шабуылы кезінде екі адам қаза тапқан. Израильдің соңғы үш күн ішінде Газа секторына әуеден соққы беруі кезінде қаза тапқандар саны 20-ға жетті. Олардың көпшілігі - түрлі радикалдық топтардың жауынгерлері.

Соңғы үш күн ішінде Газа секторынан Израильге 120 зымыран атылған. Шабуылға жауапкершілікті "Ислам жиһады" және "Халықтық қарсыласу комитеті" ұйымдары мойындарына алып отыр.

AzattyqTV

XS
SM
MD
LG