Ресей-Қытай бірлескен әскери жаттығуы өтіп жатыр

Ресей мен Қытай жексенбіде Сары теңізде теңіз әскери күштерінің біріккен жаттығуын бастады.

"Теңіз ынтымақтастығы - 2012" деп аталатын жаттығуға екі елден 20-дан астам әскери кеме қатысып жатыр. Әскери кемелер бірлескен әуе қорғанысы, сүңгуір қайықтарға қарсы тактикалар мен іздеу және құтқару операцияларын жүргізді.

Ресейдің Тынық мұхиты әскери теңіз флотының кемелері Қытайдың Циндао портты қаласына 21 сәуірде келген.

Жаттығу 27 сәуірге дейін созылады.