Accessibility links

Ливияда діни және этникалық партияларға тыйым салынды



Ливияда діни, этникалық және тайпалық бірлік негізінде партия құруға тыйым салынды.

Елде билік жүргізіп отырған ұлттық өтпелі кеңестің төрағасы Мохаммед әл-Харизи «Билік ұлт бірлігін сақтау үшін осындай қадамға барды» деп мәлімдеді.

Жаңа заң Муаммар Каддафи режимі құлағаннан кейін өткелі отырған алғашқы ұлттық ассамблея сайлауына екі ай қалғанда қабылданды. Ұлттық ассамблея елдің жаңа конституциясының жобасын жасап, үкіметті жасақтауы тиіс.

Болжамдар бойынша, бұл сайлауда негізгі екі қарсылас – исламшыл және зайырлы партиялар бәсекеге түспек. Исламшыл партиялар Тунис, Египет, Мароккодағы революциялардан кейін көпшілік қолдауына ие болып отыр. Ливиядағы мұсылман бауырластығы құрған "Еркіндік пен даму партиясы" бұл тыйымды енгізген билікті айыптайды.

AzattyqTV

XS
SM
MD
LG