Accessibility links

ЕО Грекияны еуро аумағынан шықпауға шақырды


Еуропа комиссиясы басшысы Жозе Мануэл Баррозу. Брюссель, 16 мамыр 2012 жыл.

Еуропа комиссиясы басшысы Жозе Мануэл Баррозу. Брюссель, 16 мамыр 2012 жыл.

Еуропа Одағы (ЕО) басшылары "Грекияның экономикалық қиындықтарын шешудің ең дұрыс жолы - ол елдің еуро валютасы аумағында қалуы" деген пікірді тағы айтты.

ЕО кеңесі төрағасы Херман ван Ромпей мен Еуропа комиссиясы басшысы Жозе Мануэл Баррозу Кэмп-Дэвидте (АҚШ) өтіп жатқан "Үлкен сегіздік" саммитіне қатысып отыр. Кездесудегі басты тақырыптардың бірі - еуро аумағындағы, әсіресе Грекиядағы жағдай.

Баррозудың айтуынша, Грекия бұрынғы келісімдерде айтылған шарттарды орындаса, еуро аумағындағы елдер Афинаға қаржылай көмектесуге әзір.

Грекияда қазір саяси дағдарыс болып, елдің ЕО-дан шығуы жайлы сөз қозғала бастады. ЕО жақтаушылары жуықта өткен сайлауда үкімет құра алмай қалған еді. 17 маусымда қайтадан сайлау өтеді. Қазір елді уақытша үкімет басқарып отыр.
XS
SM
MD
LG