Accessibility links

Астанада ашаршылық құрбандарына арналған ескерткіш ашылды


1932-1933 жылдардағы ашаршылық құрбандарына тағзым" деп аталатын ескерткіш монумент. Астана, 31 мамыр 2012 жыл.

1932-1933 жылдардағы ашаршылық құрбандарына тағзым" деп аталатын ескерткіш монумент. Астана, 31 мамыр 2012 жыл.

31 мамырда Астанада 1932-1933 жылдардағы ашаршылық құрбандарына арналған ескерткіш монумент ашылды.

Ескерткіш ашылар алдында жиналғандар ашаршылық құрбандарын үнсіздікпен еске алды. Ескерткіштің ашылуына Қазақстан президенті Нұрсұлтан Назарбаев қатысып, сөз сөйледі.

Назарбаев: "Біз мұнда ашаршылықта қырылған қазақстандықтарға ескерткіш ашып, оларды халықтың жадында мәңгі сақтау үшін жиналдық. Ашаршылық пен оның ауыр салдары советтік кезеңдегі ең ауыр гуманитарлық апат болды. Аштықтан Қазақстанда 1 жарым миллионнан астам адам қырылды, 600 мыңнан астам адам аштық пен қуғын-сүргіннен бас сауғалап, елінен кетті" деді.

Назарбаев бұған қоса "тарихты таразылағанда көреген болуымыз керек, және бұл тақырыпты саясиландыруға болмайды" деді

Ескерткіш монументте ана мен баланы бейнелейтін мүсін қойылған.
XS
SM
MD
LG