Accessibility links

2 маусымда Алматыда "Ретро-айтыс" өтеді


Жүрсін Ерман, ақын. Алматы, 11 ақпан 2012 жыл.
Жүрсін Ерман, ақын. Алматы, 11 ақпан 2012 жыл.
Маусымның 2-і күні Алматыдағы Республика сарайында «Ретро-айтыс» деген атпен өтетін ақындар айтысына 1980 жылдары айтысқан ақындар қатысады, - деп хабарлады айтыстың тұрақты жүргізушісі Жүрсін Ерман Азаттық радиосының тілшісіне.

– Айтыскерлердің арасында үш халық ақыны бар. Олар: Қонысбай Әбіл, Әселхан Қалыбекова және Әсия Беркенова. Бұл айтысқа осы үш ақыннан басқа, Қарағандыдан Қуаныш Мақсұтов, Өскеменнен Абаш Кәкенов, Алматы облысынан Есенқұл Жақып шақырылып отыр, - деген Жүрсін Ерман қазіргі айтыс сахнасында жүрген бірнеше айтыскер де сахнаға шығатынын айтты.

Жүрсін Ерман айтыстың бас демеушісі әдеттегідей «Алтын қыран» компаниясы екендігін ескертті.
XS
SM
MD
LG