Accessibility links

Оппозиция саяси қуғын-сүргін құрбандарын еске алды


Саяси қуғын-сүргін құрбандарын еске алу акциясына жиналғандар. Алматы, 31 мамыр 2012 жыл.

Саяси қуғын-сүргін құрбандарын еске алу акциясына жиналғандар. Алматы, 31 мамыр 2012 жыл.

Алматыда бірқатар оппозициялық партиялар мен қоғамдық ұйымдардың жетекшілері мен белсенділері 1930 жылдардағы саяси қуғын-сүргін құрбандарын еске алу акциясын өткізді.

"Аман саулық" қорының президенті Бақыт Түменова акцияда сөйлеп тұр. Алматы, 31 мамыр 2012 жыл.

"Аман саулық" қорының президенті Бақыт Түменова акцияда сөйлеп тұр. Алматы, 31 мамыр 2012 жыл.

Азаттық тілшісінің хабарлауынша, акция Қарасай батыр мен Наурызбай батыр көшелерінің қиылысында - 1993 жылы қуғын-сүргін құрбандарына болашақта салынатын ескерткіштің белгітасы орнатылған жерде болды.

Акцияға 100 шақты адам қатысты. Олардың арасында саясаткер Жасарал Қуанышәлин, "Азат" партиясының төрағасы Болат Әбілов, "Жас Алаш" газетінің бас редакторы Рысбек Сәрсенбай, театр режиссері Болат Атабаев, "Ар.Рух.Хақ" ұйымының жетекшісі Бақытжан Төреғожина, оппозиция белсендісі Ермек Нарымбаев бар.

Жиналғандар президент Нұрсұлтан Назарбаевтың атына хат жолдап, онда Жаңаөзен оқиғасына қатысты сотты тоқтатуды және айыпталушыларға тағылған айыптарды алып тастауды талап етті.

Акцияға қатысушылар 1930 жылдардағы саяси қуғын-сүргін құрбандары мен саясаткерлер Заманбек Нұрқаділов, Алтынбек Сәрсенбаевтың суреттері басылған плакаттар көтеріп шықты. Плакаттарда қамаудағы тіркелмеген "Алға" партиясының жетекшісі Владимир Козлов пен оппозиция белсенділері Серік Сапарғали, "жаңаөзен оқиғасы" бойынша сотқа тартылып жатқандардың суреттері де саяси қуғын-сүргін құрбандары ретінде берілген.

Акцияны полиция қызметкерлері бақылап жүрді, бірақ кедергі келтірген жоқ.
XS
SM
MD
LG