Қандағарда жарылыстан 20 адам қаза тапты

Ауғанстанның оңтүстігіндегі Қандағар қаласында жанкешті жарылыс жасап, соның салдарынан 20 адам қаза тапты. Ондаған адам жараланды.

Қандағар уәлаяты полициясы басшысының айтуынша, жанкешті автотұрақта мотоцикльмен келіп, өзін-өзі жарып жіберген. Автотұрақта НАТО-ның Қандағар түбіндегі әуе базасына қызмет көрсететін ондаған жүк көліктері тұрған. Хабарларға қарағанда, құрбан болғандардың барлығы - бейбіт тұрғындар.