Accessibility links

Назарбаев Ауғанстанға көмек орталығын Алматыда ашуды ұсынды


Қазақстан президенті Нұрсұлтан Назарбаев.

Қазақстан президенті Нұрсұлтан Назарбаев.

Қазақстан президенті Нұрсұлтан Назарбаев БҰҰ-ның Ауғанстанға көмек көрсететін орталығын Алматыда құруды ұсынды.

Президенттің баспасөз қызметінің хабарлауынша, Назарбаев бұл туралы Астанада БҰҰ-ның Ауғанстандағы миссиясының басшысы Ян Кубишпен кездесуінде айтқан.

Назарбаев: "Бізге Ауғанстанда халықаралық коалиция күштері шығарылғаннан соң қандай жағдай қалыптасатыны маңызды. Қазақстан Ауғанстандағы жағдайды оңалтып, бейбітшілік орнату процесіне қатысуға дайын. Осы тұрғыда біз Алматыда БҰҰ-ның арнайы орталығын ашуды жоспарлап отырмыз" деген.

Оның сөзіне қарағанда, орталық Орталық Азия елдерінің Ауғанстанға көмек көрсетуіне көмектеспек.

Ал Ян Кубиш Ауғанстанда тұрақтылық орнаса, бүкіл аймақтағы жағдай да жақсаратынын айтқан.
XS
SM
MD
LG