Accessibility links

Қазақстан БҰҰ өкілі бағасымен келіспейді


Алтай Абибуллаев, Қазақстанның СІМ өкілі. Ақтау, 20 желтоқсан 2011 жыл.

Алтай Абибуллаев, Қазақстанның СІМ өкілі. Ақтау, 20 желтоқсан 2011 жыл.

Қазақстан сыртқы істер министрлігінің (СІМ) өкілі Алтай Абибуллаевтың айтуынша, БҰҰ-ның адам құқықтары бойынша жоғарғы комиссары Нави Пиллэй өзіне қазақстандық ресми өкілдер табыс еткен жан-жақты құжаттарға қарамастан Жаңаөзен оқиғасына қатысты үкімет жұмысына біржақты баға берген. СІМ-нің мәлімдемесі 13 шілде күні жария етілді.

Нави Пиллэй бір күн бұрын Астанада өткізген баспасөз-мәслихатында Жаңаөзен оқиғасына қатысты айыпталғандардың соты әділетті түрде өтпеді деп мәлімдеген еді.

СІМ өкілінің айтуынша, Қазақстанның құқық қорғау ұйымдары Жаңаөзен оқиғаларын тергеп-тексеру кезінде елдің заңнамасы бойынша әрекет еткен. "Объективті тексеру жүргізу үшін халықаралық, ең әуелі БҰҰ мамандары шақырылған болатын. Олар оқиға орнында болып, іспен танысқан" деді Абибуллаев.
XS
SM
MD
LG