Египеттің жаңа премьер-министрі тағайындалды

Бүгін Египеттің президенті Мохаммед Мурси елдің премьер-министрі қызметіне Хишам Кандилді тағайындап, жаңадан министрлер кабинетінің құрамын жасақтауды жүктеді.

Өткен айда бүкілхалықтық төте сайлау нәтижесінде Египеттің президенті болып сайланған Мохаммед Мурсиге "Мұсылман бауырлар" қозғалысы қолдау танытқаны мәлім.

Ал ислам ұйымдарымен байланысы жоқ тұлға ретінде танымал Хишам Кандил бұған дейін су ресурстары министрі болған.