Accessibility links

Қазақстандық екі атлет Лондон Олимпиадасынан шеттетілуі мүмкін


Қазақстан құрамасының мүшесі Майя Манеза Лондон Олимпиадасына дайындалып жатыр. Алматы, 27 наурыз 2012 ж. (Көрнекі сурет)

Қазақстан құрамасының мүшесі Майя Манеза Лондон Олимпиадасына дайындалып жатыр. Алматы, 27 наурыз 2012 ж. (Көрнекі сурет)

Лондон Олимпиадасына Қазақстан құрамасының қатарында ауыр атлетика бәсекесіне қатысатын екі адам - Арли Чонтей мен Фархад Харки жарыстан шеттетілуі мүмкін. Бұл туралы Азаттық радиосына Қазақстан ауыр атлетика федерациясының өкілі, мемлекеттік жаттықтырушы Меңдіхан Тәпсірұлы хабарлады.

- Бұл спортшылардың олимпиадаға қатысуына халықаралық ауыр атлетика федерациясы қарсы болып жатқанын естідік. Әлемдік ұйым «бұл спортшыларды танымаймыз» деп қарсылық білдірген. Қатысу, қатыспауы жайлы нақты бір шешім бүгін, 26 шілде күні белгілі болады, - деді федерация өкілі.

Меңдіхан Тәпсірұлының айтуынша, ұлты дүнген бұл екі спортшы осыдан біраз уақыт бұрын Қазақстанға Қытайдан келген. Қытай бұл спортшылардың олимпиадаға Қазақстан атынан қатысуына қарсылық білдірген жоқ деді Қазақстан ауыр атлетика федерациясының өкілі.

Ертең Лондонда ХХХ Олимпиада ойындарының ашылу салтанаты өтеді.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG