Accessibility links

Кремльді сынаушы депутат мандатынан айырылуы мүмкін


Мемлекеттік дума депутаты Геннадий Гудков. 10 қыркүйек 2012 жыл.

Мемлекеттік дума депутаты Геннадий Гудков. 10 қыркүйек 2012 жыл.

Ресейдің тергеу комитеті "мемлекеттік дума депутаты Геннадий Гудковтың депутаттық қызметте жүріп бизнеспен айналысқанын дәлелдейтін айғақтар бар" деп мәлімдеді. Ресей заңы бойынша мемлекеттік қызметте жүріп бизнеспен айналысу - заңға қайшы.

Бірақ депутаттың өзі мұны жоққа шығарып отыр. "Справедливая Россия" фракциясының депутаты Гудков құқық қорғау органдары өзін саяси көзқарасы үшін қудалап отыр деп санайды. Себебі ол біраздан бері оппозиция ұйымдастырған акцияларға қатысып келеді. Гудков 15 қыркүйекте Мәскеуде жаңа наразылық акцияларын өткізуді жоспарлап отыр.

Ал парламенттік комиссия 14 қыркүйекте болатын отырыста Геннадий Гудковты депутаттық мандатынан айыру мәселесін қарастыруды ұсынды.

"Единая Россия" фракциясының жетекшісі Андрей Воробьев өз фракциясы Гудковты мандатынан айыруды қолдайтынын айтады. Бұл фракцияға мемлекеттік думадағы депутаттардың көпшілігі мүше.
XS
SM
MD
LG