Үкімет құрамы қайта жасақталды

Қазақстан президенті Нұрсұлтан Назарбаев үкімет құрамын бекіткен жарлық шығарды деп хабарлайды президенттің баспасөз қызметі.

Жарлық бойынша премьер-министрдің орынбасарлары болып Қайрат Келімбетов, Ербол Орынбаев, Әсет Исекешов қайта тағайындалды. Үкімет құрамындағы министрлердің көпшілігі бұрынғы қызметінде қалды. Тек Жанар Айтжанова ғана экономикалық интеграция істері бойынша министрі болып тағайындалды.

Президент тағы бір жарлығымен Ерболат Досаевті экономикалық даму және сауда министрі етіп тағайындады.