Accessibility links

Далай Лама Жапония заңгерлеріне жүгінді


Тибеттің қуғындағы діни жетекшісі Далай Лама. АҚШ, 18 ақпан 2010 жыл.

Тибеттің қуғындағы діни жетекшісі Далай Лама. АҚШ, 18 ақпан 2010 жыл.

Тибеттің қуғындағы діни жетекшісі Далай Лама жапониялық құқық қорғаушыларын тибеттіктердің өз-өзін өртеу оқиғаларына тергеу жүргізуге шақырды.

Далай Лама мұны 130-ға тарта жапониялық депуттар мен оппозициялық саясаткерлер алдында айтты. Ол Қытай үкіметін "тибеттіктердің өз-өзін өртеу оқиғаларын тексерудің орнына өзін айыптауға құмар" деп сынады.

Тибетте соңғы алты күнде сегіз адам өз-өзін өртеген. Оның екеуі дүйсенбіде тіркелген. Дүйсенбіде Қытай сыртқы істер министрлігінің өкілі Хун Лэй Далай Ламаны "Тибеттің тәуелсіздік алуы жоспарын жүзеге асыру үшін тибеттіктерді өз-өздерін өртеуге айдап салып отыр" деп айыптаған.

Үндістанда орналасқан Тибеттің қуғындағы үкіметі 2009 жылдан бері соңғы сегіз адамды қоспағанда Қытай билігіне наразылық танытқан 69 адам өз-өзін өртегенін, оның 54-і қаза тапқанын мәлімдеген.
XS
SM
MD
LG