Accessibility links

Шетпелік сотталушылардың үкімі қайта қаралды


Шетпе оқиғасы бойынша айыпталушылар (жоғарғы қатарда) мен олардың адвокаттары сот залында. Ақтау, 17 сәуір 2012 жыл. (Көрнекі сурет).
Шетпе оқиғасы бойынша айыпталушылар (жоғарғы қатарда) мен олардың адвокаттары сот залында. Ақтау, 17 сәуір 2012 жыл. (Көрнекі сурет).
Сейсенбіде Астанада жоғарғы сотта Жаңаөзен мен Шетпедегі 2011 жылғы 16-17 желтоқсандағы оқиғалар бойынша сотталғандардың шағымы қаралды деп хабарлайды сотталғандардың адвокаты Нұрлыбай Ізмағамбетов Азаттық тілшісіне.

Адвокаттың айтуына қарағанда, судья 7 жылға сотталған шетпелік Қажымұрат Әбезовтің айыбын 299 баптың 1-тармағынан сол баптың 2-тармағына ауыстырып, 4 жылға кеміткен. 5 жылға сотталған Ержан Мәмбетовтің мерзімі қысқартылып, рақымшылықпен босатылған. Ал Бақытжан Ғабиденовтің мерзімі 5 жылдан 3 жылға қысқартылған.

Шетпеліктерге қатысты сот үкімін 21 мамырда Маңғыстау облыстық соты шығарған еді. Сот үкімі бойынша бес адам жаза алып, алты адам рақымшылықпен босатылып, бір адам ақталған еді.
XS
SM
MD
LG