Қарағандыдағы құлап қалған "Бесоба" тұрғын үй кешеніне қатысты айыпталған тағы екі шенеунік рақымшылық заңымен сот залынан босатылды. Бұл туралы "Қазақстан жаңалықтары" агенттігі хабарлады. Қарағандының Қазыбек би аудандық №1 соты қала әкімінің орынбасары Виктор Иванов пен қабылдау комиссиясы төрағасының орынбасары Дәулет Алтынбековке айыптау үкімін оқып, бірақ оларды рақымшылық заңымен сот залынан босатқан.
Екі шенеунік те қылмыстық кодекстің 316-бабы ("салақтық") бойынша айыпты деп танылып, әуелде төрт жылға сотталып, екі жыл мемлекеттік қызметпен айналысу құқығынан айырылғанымен, рақымшылық заңымен босап шықты.
Бұған дейін "Бесоба" тұрғын үйді қабылдап алған өзге екі шенеунік - Сергей Грибенщиков пен Татьяна Гук та рақымшылыққа ілінген.
2012 жылы сәуірдің 6-сы күні Қарағанды қаласында сегіз подъезі бар 7-үйдің жартысы – төрт подъезі құлап қалған еді. Бес қабатты үй үлескерлердің ақшасына салынып, 2009 жылы пайдалануға берілген.
Екі шенеунік те қылмыстық кодекстің 316-бабы ("салақтық") бойынша айыпты деп танылып, әуелде төрт жылға сотталып, екі жыл мемлекеттік қызметпен айналысу құқығынан айырылғанымен, рақымшылық заңымен босап шықты.
Бұған дейін "Бесоба" тұрғын үйді қабылдап алған өзге екі шенеунік - Сергей Грибенщиков пен Татьяна Гук та рақымшылыққа ілінген.
2012 жылы сәуірдің 6-сы күні Қарағанды қаласында сегіз подъезі бар 7-үйдің жартысы – төрт подъезі құлап қалған еді. Бес қабатты үй үлескерлердің ақшасына салынып, 2009 жылы пайдалануға берілген.
