Accessibility links

Талдықорғандық лейтенант өлімінің "себебі" айтылды


Қазақстанның бас прокуратурасы. (Көрнекі сурет).

Қазақстанның бас прокуратурасы. (Көрнекі сурет).

Қазақстанның бас әскери прокуратурасы Талдықорғандағы 18404-әскери бөлімі зенитті-артиллерия батареясының аға лейтенанты Ержан Исовтың өлімінің себептері деп хабарлама таратты.

Әскери прокуратураның хабарлауы бойынша, "Ержан Исов тұрмыстық себептерден өз-өзіне қол салған".

Прокуратура өкілдерінің айтуынша, 36 жастағы Исов өлер алдында "хат жазып, өліміне ешкімді кінәламауды сұраған".

Прокуратураның хабарлауы бойынша, "лейтенанттың өзіне қол салуына таяуда денсаулығын тексеретін комиссиядан өткені де себеп болуы мүмкін".

Талдықорғандағы зениттік батальон командирінің тәрбие ісі және әлеуметтік-құқықтық жұмыс жөніндегі орынбасары болған Ержан Исовтің денесі 1 наурыз күні өз үйіндегі көлік тұрағында асылып қалған күйінде табылғаны хабарланған еді.

Оңтүстік аймақтық әскери тергеу басқармасының Талдықорған бөлімінің 4 наурызда түсірген іс қозғау туралы ұсынысы кері қайтарылған еді.
XS
SM
MD
LG