Accessibility links

Әйел өзін сүйреген көлік жүргізушісіне "кінә артпады"


Әйелді сүйреп бара жатқан көлік. Алматы. 2013 жыл. ҮouTube видеосынан алынған скриншот.

Әйелді сүйреп бара жатқан көлік. Алматы. 2013 жыл. ҮouTube видеосынан алынған скриншот.

16 сәуірде Facebook желісінде Алматы көшелерінің бірінде әйел адамды сүйретіп бара жатқан көлік жайлы видео пайда болған еді. Бүгін Алматы қалалық ішкі істер департаментінің (ІІД) баспасөз қызметі ол әйелдің өзін сүйреген көлік жүргізушісіне "кінә артпайтынын" хабарлады.

ІІД баспасөз қызметінің дерегінше, "жүргізуші мен сүйретілген әйел оқиға болар алдында жанжалдасып қалған". Бірақ әйел жүргізушінің үстінен "ешқандай шағым түсірмегендіктен" полицейлер оны босатқан.

YouTube-те де жарияланған бұл видео көліктің видео регистраторына түсірілген.
Онда Алматы көшелерінің бірінде кетіп бара жатқан 187 АE 02 нөмірлі
Daewoo Nexia көлігінің артында әйел адам сүйретіліп бара жатқаны бейнеленген. Әйелді біреудің байлағаны не өзі жармасып алғаны видеодан байқалмайды. Бағдаршамға тоқтаған көлікке ішкі әскер патрулі мен өзге көліктердің жүргізушілері келіп, есігін ашуға әрекет етеді. Видеодағы әйел адамның айқайлаған дауысы естіледі.

Бұған дейін ішкі істер министрлігінің баспасөз хатшысы Нұрділдә Ораз Азаттық тілшісіне "көліктің транпорттық қызмет көрсететін мекемеге қатысты екенін, көлік иесінің іздестіріліп жатқанын" хабарлаған еді.

Роликтің иесі алматылық Бегалы Шібекеев Азаттық тілшісіне "оқиға Абай
көшесінің бойында, Алтынсарин көшесіне жетер тұста болғанын" айтқан.
Оның сөзінше, оқиға наурыз айының басында болған, әйелдің қандай да бір жарақат алғанын байқамаған.
  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG