Accessibility links

ІІД: Андрей Цуканов 10 тәулікке қамалуы мүмкін


Еңбек және халықты әлеуметтік қорғау министрі Серік Әбденов өзіне лақтырылған жұмыртқадан қорғанып тұр. Алматы, 26 сәуір 2013 жыл.

Еңбек және халықты әлеуметтік қорғау министрі Серік Әбденов өзіне лақтырылған жұмыртқадан қорғанып тұр. Алматы, 26 сәуір 2013 жыл.

Еңбек және халықты әлеуметтік қорғау министрі Серік Әбденовке жұмыртқа лақтырған белсенді Андрей Цуканов қазір Алматы қаласы Бостандық ауданының ішкі істер басқармасында қамауда деп жазады "Қазақстан жаңалықтары" агенттігі.

Қалалық ішкі істер департаментінің баспасөз қызметінің хабарлауынша, Цукановтың үстінен әкімшілік іс қозғалуы мүмкін. "Қазір оған қатысты материалдар жиналып жатыр, оны әкімшілік құқық бұзушылық кодексінің 330-бабының ("ұсақ бұзақылық") я 1-бөлімі, я 2-бөлімі бойынша айыптауы мүмкін. Егер екінші бөлім бойынша айыптаса, 10 тәулікке қамалуы ықтимал" дейді баспасөз қызметі.

Қарағандылық белсенді Цуканов бүгін Алматыда зейнетақы реформасы туралы заң жобасын түсіндіруге келген Әбденовке шикі жұмыртқа лақтырған еді. (Бұл оқиға туралы толық видеоны Азаттықтың YouTube-тегі парағынан қараңыз)
XS
SM
MD
LG