Accessibility links

"Жаңаөзен ісімен" сотталған 6 адам "шартты жаза" алды


"Жаңаөзен ісін" қайта қарап жатқан жоғарғы сот өкілдері. Астана, 28 мамыр 2013 жыл. Суретті азаматтық белсенді Андрей Цуканов түсірген.

"Жаңаөзен ісін" қайта қарап жатқан жоғарғы сот өкілдері. Астана, 28 мамыр 2013 жыл. Суретті азаматтық белсенді Андрей Цуканов түсірген.

Жоғарғы сот Жаңаөзен оқиғасы бойынша сотталған алты адамның үкімін шартты жазаға ауыстырды деп хабарлайды Азаттық тілшісіне сотталушылардың адвокаты Гүлнәр Жуасбаева. Жоғарғы сот бүгін Жаңаөзен оқиғасы бойынша сотталған 14 адамның үкімін қайта қараған еді.

Телефон арқылы әңгімесінде адвокат сот үш жылға дейінгі мерзімге сотталған алты адамның жазасын шартты жазаға ауыстыру туралы үкім шығарғанын айтады. Жаза түрі ауыстырылғандар - Жарас Бесмағамбетов, Бауыржан Непес, Нұрлан Асқарұлы, Мұрат Қосбармақов, Қайрат Әділов, Марат Әминов.

Сот қалған сегіз адамның үкімін өзгеріссіз қалдырған.

Жуасбаева алты адамға қатысты сот үкімі күшіне енгенін айтады.

2011 жылы 16-17 желтоқсан күндері Жаңаөзен қаласында полиция ереуілге шыққан азаматтарға оқ атып, оқиға кезінде ресми дерек бойынша 17 адам қаза тапты, жүзден аса адам жараланды. Олардың кейбірі мүгедек болып қалды.

Жаңаөзендегі оқиғалар бойынша айыпты деп танылған 37 адамға сот үкімі 2012 жылдың маусым айында шығарылған.
  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG