Accessibility links

БҰҰ әскери роботтарға уақытша тыйым салуға шақырды


Көрнекі сурет.

Көрнекі сурет.

БҰҰ-ның адам құқықтары жөніндегі жетекші сарапшылардың бірі Кристофер Хейнц әлемде әскери роботтар жасауды және пайдалануды уақытша доғаруға шақырды. Ол мұндай роботтардың әскери іс-қимыл кезінде бейбіт тұрғындарды әскери адамнан ажыратуы күмәнді болғандықтан, халықаралық гуманитарлық құқық талаптары бұзылуы мүмкін екендігін айтты.

Сарапшы қазіргі кезде әлемнің бірде бір елінде әскери роботтар қару-жарақ ретінде қолданысқа алынбағанымен көптеген мемлекеттер (соның ішінде АҚШ та) бұл салада дайындық жүргізіп жатқанын айтты. Мұндай технология үшін ғаламдық деңгейде арнайы құқықтық база пайда болғанша, ондай қару-жарақ түрін дайындауға мораторий енгізу қажет деп мәлімдеді Хейнц.

Нобель бейбітшілік сыйлығының иегері Джоди Уильямс пен өзге де тұлғалар адамның араласуынсыз өздігінен шабуыл жасауға қабілетті машиналарды пайдалануға тыйым салуға шақырған.
XS
SM
MD
LG