Accessibility links

Еуропада су тасқынынан үш адам мерт болды


Прагадағы су тасқыны, Чехия. 2 маусым 2013 жыл.

Прагадағы су тасқыны, Чехия. 2 маусым 2013 жыл.

Чехия, Австрия және Германияда соңғы 10 жылда болмаған нөсер жауын жауып, су тасқынынан үш адам қаза тапты.

Чехияда төтенше жағдай жарияланып, су тасқынымен күресуге 15 миллион АҚШ доллары бөлінді.

Прагада көлік қозғалысына уақытша шектеу қойылды. Қаланың орталық тарихи бөлігін су алмау үшін Влтава өзенінің жағалауларына бөгеттер қойылды. Қаланың оңтүстік бөлігінде үй құлап, екі адам қаза тапқан.

Австрияда бір адамды көшкін басып қалып, мерт болған.

Германияның Саксония, Тюрингия, Бавария және Баден-Вюртемберг аймақтарында да үкімет төтенше жағдай жариялап, тұрғындарды бұл аймақтардан жаппай көшіруге тапсырма берілді.
XS
SM
MD
LG