Accessibility links

Египет президенті Мұхаммед Мурси әскерилердің елдегі саяси дағдарысты 48 сағат ішінде шешу туралы ультиматумын қабылдамай тастады.

Сейсенбіде президенттің баспасөз қызметі мәлімдеме таратып, Мурсидің "мәселені шешетін өз жоспары" барын, ультиматум "түсінбестік тудыратынын" хабарлады.

Қорғаныс министрі, генерал Абдель Фаттах әл-Сисси Мурси үкіметі мен оппозицияны 48 сағат ішінде мәмілеге келуге ультиматум қойған. Келісімге келе алмаған жағдайда әскерилер мәселені шешудің өзі жоспарын жүзеге асыратындарын ескерткен.

Оппозициялық Ұлттық құтқару мйданы қозғалысы Мурси үкіметімен келіссөздерден бас тартып, ультиматум мерзімі біткен соң әскерилермен кеңесетінін білдірді.

Египетте жүз мыңдаған адам көшеге шығып, Мұхаммед Мурсидің отставкаға кетуін талап етіп жатыр. Қарсыластары Мурсиді исламшыл партиядағы жақтастарына билікті беріп қойды және елдегі экономикалық проблемаларды шеше алмады деп айыптайды.

Дүйсенбіде елдегі билікке қарсы наразылық акцияларының ықпалынан әуелі төрт министр отставкаға кеткен еді. Олардан соң сыртқы істер министрі Мохаммед Камель Амр де отставкаға кетті.

AzattyqTV

Кәсіподақ басшысы соты

Елеусіновке таққан айыпты оқыды

Аудиоподкаст

XS
SM
MD
LG