Accessibility links

Қытайда шеруден соң уран зауытынан бас тартты


Уран рудасы. Көрнекі сурет.

Уран рудасы. Көрнекі сурет.

Қытай билігі жүздеген адам наразылық білдіріп, шеру өткізгеннен кейін уран өңдеу зауытын салу жоспарынан бас тартты.

Бұл туралы сенбі күні ел оңтүстігіндегі Хешан қаласы әкімшілігінің ресми сайтында жарияланды.

Онда жергілікті биліктің «халық тілегіне құлақ аса келе» Қытай ұлттық ядролық корпорациясының жобасын қолдамайтындығы айтылған.

Жұма күні жүздеген адам қала көшелеріне шығып, уран өңдеу зауытын салуға қарсылық акциясын өткізген еді. Уранды конверсиялау және байытуды қоса қамтитын бұл жобаның құны 6 млрд доллар деп хабарланған.

Қытайда 30 жылдан бергі өндіріс салдарынан ластану деңгейі өсіп, соңғы кездері экология мәселесін көтерген шерулер мен шаралар жиілей түсті.
XS
SM
MD
LG