Accessibility links

Қырғызстанда Қазақстанға ағатын канал ашылмады


Қырғызстанның Талас облысы Көксай ауылында тұрғындар суы Қазақстанға қарай ағатын «Быстроток» каналын әлі ашпады.

Жұма күні Көксай ауылына қазақстандық ақсақалдар келіп, каналды ашуды өтінген. Бірақ көксайлықтар өз талаптары орындалғанша канал ашылмайтынын айтқан.

Азаттықтың Қырғыз қызметіне жергілікті белсенді Расул Насирдинов білдіргендей, жергілікті тұрғындар шекараны бұрынғыдай Талас өзені бойымен бөлуді қалайды және өздері қырғыз жағына кіріп тұр деп есептейтін 13 шақырымдық жерді қайтарып алуды талап еткен.

«Быстроток» каналының суы 7 шілдеде бөгелді.

Жергілікті тұрғындар соңғы кездері Қырғызстан билігінен Қазақстанға өтіп кетті делінген 4,5 мың га жерді қайтаруды талап етіп келеді. Вице-премьер Токон Мамытов олармен кездесіп, мұндай жер бөлінісі 2001-2008 жылдары екі ел парламенттері тарапынан қуатталғанын айтқан.
XS
SM
MD
LG