Accessibility links

Ranch for Kids: Бізде Қазақстаннан алынған бала жоқ


АҚШ-тың Монтана штатындағы Ranch for Kids мекемесі. 2011 жылғы сурет.

АҚШ-тың Монтана штатындағы Ranch for Kids мекемесі. 2011 жылғы сурет.

АҚШ-тың Монтана штатының Эврика қаласындағы Ranch for Kids мекемесінде Қазақстаннан асырап алынған балалар жоқ. Бұл туралы АҚШ-тың Қазақстандағы елшілігі шілденің 18-і күні хабарлама таратты.

Елшілік Қазақстаннан асырап алынған балалардың қауіпсіздігі мен әл-ауқаты туралы ақпаратты Қазақстан үкіметіне жолдағанын мәлімдеген. Сонымен бірге АҚШ үкіметінің халықаралық бала асырап алуға қатысты серіктестермен ынтымақтастығын жалғастыруға мүдделі екені айтылған.

Бұған дейін Қазақстанның ресми ақпарат құралдары шілденің 17-і күні Астанада Ресей президентінің бала құқығы бойынша өкілі Павел Астаховтың Қазақстан бас прокуратурасына «АҚШ-тың Монтана штатындағы Ranch for Kids лагеріндегі Қазақстан балаларының тізімін» бергенін хабарлаған еді. Астахов «ол мекемеде 15 жылдың ішінде Қазақстаннан қанша бала болғанын міндетті түрде анықтаймыз» деп мәлімдеген.
XS
SM
MD
LG