Accessibility links

Байқоңырда кезекті «Протон-М» құрастыруға кірісті


«Глонасс» спутнигі тиелген ресейлік «Протон-М» зымыран тасығышы. Байқоңыр, 2 шілде 2013 жыл.

«Глонасс» спутнигі тиелген ресейлік «Протон-М» зымыран тасығышы. Байқоңыр, 2 шілде 2013 жыл.

«Байқоңыр» ғарыш айлағында «Протон-М» зымыран тасығышын құрастыру жұмыстары басталды деп хабарлады «Интерфакс-Казахстан» агенттігі.

Бұл «Протон-М» жер орбитасына америкалық Sirius FM-6 спутниктік радиоға арналған ғарыш аппаратын жеткізеді деп жоспарланған. Әзірге ұшу кестесі жасалмаған, бірақ бұған дейін Мәскеудегі Хруничев атындағы орталықтың ақпаратында еуропалық Astra 2E, АҚШ-тың Sirius FM-6 және Inmarsat 5 F1 коммерциялық спутниктері, сонымен бірге Ресейдің әскери мақсаттағы «Радуга-1М» және «Экспресс-АМ5» байланыс спутнигі ғарышқа ұшатындар тізімінде аталған деп жазады агенттік.

2 шілде күні үш «Глонасс» спутнигі тиелген ресейлік «Протон-М» зымыран тасығышы Байқоңырдан ұша бере апатқа ұшырап, жарылып кеткен соң, Ресейдің «Роскосмос» агенттігінің басшысы апат себебін анықтайтын комиссияның жұмысы аяқталғанша «Протон-М» зымыран тасығышын ғарышқа ұшыру уақытша тоқтатылатынын мәлімдеген еді.

Апат салдарынан Байқоңыр ғарыш айлағы маңындағы зымыран тасығыштың улы отынымен ластанған жер көлемі туралы түрлі пікірлер айтылды.
XS
SM
MD
LG