Accessibility links

АҚШ мемлекеттік департаменті мұсылман елдерінде террорлық әрекеттер болуы мүмкін деген қауіппен өткен апта жабылған 19 дипломатиялық пункттің 18-і 11 тамызда қайта ашылатынын хабарлады.

Йемендегі АҚШ елшілігі "Әл-Қаида" шабуылдауы мүмкін" деген ақпараттарға байланысты әзірге жұмысын бастамайды. Елшілік қызметкерлеріне 6 тамызда бұл елден шығып кету туралы бұйрық берілген.

Таяу Шығыс және Солтүстік Африканың 19 еліндегі АҚШ-тың дипломатиялық мекемелері 4 тамызда уақытша жабылған еді.

АҚШ мемлекеттік департаменті "Әл-Қаида" топтарының ірі террорлық акт жасау туралы құпия жоспарын әшкерелегенін мәлімдеп, осыған байланысты елшіліктер жұмысын уақытша тоқтататынын мәлімдеген.

8 тамызда Пәкістандағы АҚШ консулдығы жабылды. Ол туралы шешім "террорлық қауіп туралы нақты ақпараттардан кейін қабылданған".

Әзірге Пәкістандағы консулдық жабық тұр.

AzattyqTV

Астанадағы зират

Элитаға пантеон керек пе?

XS
SM
MD
LG