Египеттің биліктен тайдырылған президенті Мұхаммед Мурсиді жақтаушылар мен үкімет әскері арасындағы қақтығыстан қаза тапқан екі жүздей адамның денесі Каирдегі мешіттердің біріне әкелінді. Марқұмдардың көбінің кім екені әлі анықталған жоқ. Қақтығыс болған бір күннің ішінде 400-дей адам қаза тауып, 3500-дей адам жараланды. Египетте 14 тамыздан бастап бір айға төтенше жағдай жарияланған.