Accessibility links

Ақтөбеде журналисті ұрып кетті


Соққыға жығылған ақтөбелік журналист Игорь Ларра. Ақтөбе, 21 тамыз 2013 жыл.

Соққыға жығылған ақтөбелік журналист Игорь Ларра. Ақтөбе, 21 тамыз 2013 жыл.

Guljan.org сайты, Assandi times және «Свобод слова» газеттерінің Ақтөбедегі тілшісі Игорь Ларраны белгісіз біреулер ұрып кеткен. Бұл туралы Азаттық тілшісіне журналистің өзі телефон арқылы хабарлады.

Ларраның айтуынша, оқиға 20 тамыз күні түнгі сағат 11-лер шамасында болған. Жолдасының үйінен шығып, арнайы шақыртқан таксиге беттеп келе жатқанда кенеттен тап берген төрт адам оны ұрып кеткен. Соққыдан журналистің басы жарылып, денесі ісінген.

Игорь Ларра шабуылды кәсіби қызметімен байланыстырады. Өзінің айтуынша, ол Ақтөбе облысының әкімі Архимед Мұхамбетов туралы сын мақалалар жазып жүрген.

Азаттық тілшісіне Ақтөбе облысы әкімдігінің ішкі саясат бөлімінің қызметкері Ермек Тауанов "журналистің соққыға жығылуына әкімнің қатысы жоқ" деп жауап берді.

Игорь Ларра бұған дейін де, 2010 жылы осындай шабуылға ұшыраған еді.
  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG