Иракта жарылыстар мен атыстардан кемінде 47 адам құрбан болды. Бағдад пен маңайындағы елдімекендерде мина орнатылған екі автокөлік пен жол бойына қойылған бомба жарылған. Тағы бір автокөлік Бағдадтан 80 шақырым Балад қаласына таяу жерде жарылған. Елдің солтүстігіндегі Нинивея провинциясында белгісіз біреулер Бағдадтан Мосул қаласына кетіп бара жатқан әскерилер отырған машинаға оқ жаудырып, бес сарбаз қаза тапқан. Осы провинцияда жексенбі күні тағы қарулы үш шабуыл жасалып, бір әскери қызметші мен екі бейбіт тұрғын мерт болған.