Accessibility links

Иран АҚШ-тан 1953 жылғы төңкеріс үшін өтемақы талап етпек


Иран премьер-министрі Мохаммад Моссадық (сол жақта) пен АҚШ президенті Гарри Трумэн. АҚШ, 23 қазан 1951 жыл

Иран премьер-министрі Мохаммад Моссадық (сол жақта) пен АҚШ президенті Гарри Трумэн. АҚШ, 23 қазан 1951 жыл

Иран парламенті "1953 жылы Тегеранда болған мемлекеттік төңкеріске қатысы болғаны үшін АҚШ-қа шара қолдануға шақыратын" заң жобасын мақұлдады.

27 тамызда талқыланған заң жобасында "Иранның демократиялық жолмен сайланған премьер-министрі Мохаммад Моссадықты биліктен кетірген төңкеріске саяси және құқықтық тергеу жүргізу" қарастырылған.

Иранның ақпарат агенттіктерінің хабарлауынша, төңкерісті тексеретін комиссия құрылмақ. Комиссияны Иранның сыртқы істер министрі басқармақ.

Осы айдың басында, АҚШ-тың Орталық барлау басқармасы (ЦРУ) мемлекеттік төңкерісті ұйымдастыруға қатысы болғанын мойындап, ол туралы құпия құжаттарды жария еткен.

Иран депутаттары "ЦРУ-дың мойындауы Вашингтоннан өтемақы талап етуге жеткілікті дәлел бола алады" дейді.

1953 жылы болған мемлекеттік төңкерісте Мохаммад Моссадық биліктен кетіп, Мохаммад Реза Пехлеви шахтың режимі қайта орнаған.
XS
SM
MD
LG