Accessibility links

Қырғыз оппозиционерлерін тергеуге шақырды


Аликбек Жекшенқұлов, "Ақиқат" партиясының жетекшісі. Қырғызстан

Аликбек Жекшенқұлов, "Ақиқат" партиясының жетекшісі. Қырғызстан

Қырғызстанда оппозицияның бірнеше жетекшісі ұлттық қауіпсіздік жөніндегі мемлекеттік комитетке (ҰҚМК) тергеуге шақырылды. Тергеуге шақыруға мемлекеттік телеарнадан дүйсенбіде оппозицияның іс-әрекетіне қатысты даулы видеоның көрсетілуі себеп болған.

Видеода жас белсенді Ерланбек Өмірәлиев "оппозициялық саясаткерлер Аликбек Жекшенқұлов, Құбанычбек Қадыров, Садыр Жапаров және Талант Мамытов Нарын өзенін улап, сол арқылы Бішкек-Нарын тас жолын жабуға астыртын сөз байласқанын" айтады. Өмірәлиевтің сөзіне қарағанда, оппозициялық саясаткерлер үкіметке қарсы жаппай қарсылықтар тудыру үшін тыйым салынған исламшыл "Хизбут-Тахрир" қозғалысының белсенділерін іске тартпақ болған.

Оппозициялық "Ақиқат" партиясының жетекшісі Аликбек Жекшенқұлов Азаттықтың Қырғыз қызметіне видеода аттары аталған оппозиция жетекшілері сейсенбіде ҰҚМК-ге шақырылғанын растады.
XS
SM
MD
LG