Accessibility links

СІМ: Ақтаудан АҚШ әскери техникасы өткен жоқ


Ақтаудағы халықаралық теңіз сауда порты. Баутино поселкесі, Маңғыстау облысы, 3 мамыр 2013 жыл. (Көрнекі сурет)

Ақтаудағы халықаралық теңіз сауда порты. Баутино поселкесі, Маңғыстау облысы, 3 мамыр 2013 жыл. (Көрнекі сурет)

Қазақстан сыртқы істер министрлігінің ресми өкілі Жанболат Үсенов «Ақтау порты арқылы АҚШ әскери техникасы тасымалданған» деген ақпараттың шындыққа сай емес екенін мәлімдеді.

Жұма күні Астанада өткен брифингте Үсенов Қазақстан мен НАТО арасында 2012 жылы маусымда жасалған келісімге сай, Ақтау транзиттік бекеті арқылы «тек коммерциялық мақсаттағы, әскери емес жүктерді ғана тасымалдауға болатынын» айтқан.

«Қорғаныс министрлігі, Кедендік бақылау комитеті, Қазақстан ұлттық қауіпсіздік комитетінің шекара қызметі және «Қазақстан темір жолы» ұлттық компаниясынан біз алған алдын ала ақпаратқа сәйкес, Ақтау арқылы әскери жүк тасымалданғаны туралы хабар шындыққа жанаспайды. Ондағы барлық жүктер мұқият тексеріледі, уәкілетті орындар тасымалданатын жүктің әскери емес екендігін анықтайды» деген СІМ ресми өкілі.

Бұған дейін бірқатар бұқаралық ақпарат құралдары «Ауғанстаннан шығарылған АҚШ-тың әскери техникасы Қазақстанның Ақтау порты арқылы Әзірбайжанға тасымалданып жатыр» деген ақпарат таратқан еді.
XS
SM
MD
LG