Ливияда азаматтық соғыс аяқталғанына екі жыл өтсе де, елде әлі күнге дейін түрлі қарулы топтар бар. Сондай бір топ жақында Ливия премьер-министрі Әли Зейданды ұрлап әкетіп, ол бірнеше сағаттан соң босатылған еді. Үкімет премьердің ұрлануын «қылмыс» деп атап, бопсалаушылыққа көнбейтінін ескертті. Ливияны ұзақ жылдар билеген Муаммар Каддафи 2011 жылы өлтірілгеннен кейін елде қарулы топтар арасында оқтын-оқтын қақтығыстар болып тұрады. "Қоғамда тұрақтылық орнауы үшін ондай топтар қолындағы қару-жарақты тапсыруы қажет" дейді сарапшылар. 21 қазан 2013 жыл.