Accessibility links

Каримова телеарналары хабары тоқтады


Гүлнара Каримова, Өзбекстан президенті Ислам Каримовтың қызы. Мәскеу, 2 сәуір 2011 жыл.

Гүлнара Каримова, Өзбекстан президенті Ислам Каримовтың қызы. Мәскеу, 2 сәуір 2011 жыл.

Өзбекстанда президент Ислам Каримовтың қызы Гүлнара Каримова бақылайтын бірнеше телеарна хабар таратуды тоқтатты. Азаттықтың Ташкенттегі тілшілерінің хабарлауынша, TV-Markaz, NTT және SOFTS телеарналары дүйсенбі, 21 қазанда күндіз хабар таратуды дереу тоқтатқан.

Кейбір хабарларға қарағанда, Каримова бақылауда ұстайтын тағы бір телеарна - Forum TV де 21 қазаннан бері елдің кейбір аймақтарында хабар таратпай тұр.

TV-Markaz телеарнасының өкілі бүгін телеарна мен оған еншілес SOFTS-тың жұмысы "техникалық жөндеу жұмыстарына байланысты" тоқтатылғанын айтты.

Бірақ Өзбекстанның тәуелсіз үкіметтік емес электрондық медиа ассоциациясының өкілі "телеарналардағы қандай да бір техникалық жөндеу жұмыстарынан хабарсыз екенін, бүгін кешке телеарналар қайта хабар тарата бастайтынын" айтқан.

Аталған телеарналарда Гүлнара Каримованың бизнесін насихаттайтын көптеген бағдарламалар бар.
XS
SM
MD
LG