Бангладеш оппозициясы ереуілге шықты

Бангладештегі негізгі оппозициялық ұйым - Ұлттық партия мен осы партияның одақтастары үш күндік ереуіл бастады.

Ел астанасы Дакка қаласында көптеген мектептер, мекемелер, дүкендер жабылды. Қарсылық акциясына шыққандар үкіметтің тарауын, қаңтар айында өтетін сайлауға дейін уақытша кабинет жасақталуын талап етеді. Оппозиция "бейтарап үкімет қана әділ сайлау өткізе алады" дейді.

Бангладештегі жұма күні болған шерушілер мен полиция қақтығысында алты адам қаза тауып, жүзден аса адам жараланған. Бүгін қақтығыстан екі адам опат болды.