Accessibility links

Түркия ірі теміржол тоннелін іске қосады


"Мармарай" теміржол тоннелін салып жатқан құрылысшылар. Стамбул, сәуір, 2013 жыл. (Көрнекі сурет)

"Мармарай" теміржол тоннелін салып жатқан құрылысшылар. Стамбул, сәуір, 2013 жыл. (Көрнекі сурет)

Бүгін Түркияда Стамбулдың еуропалық және азиялық бөлігін жалғайтын "Мармарай" теміржол тоннелі ашылмақ.

Тоннельдің ұзындығы 13,6 километрді құрайды. Оның 1,4 километрі Стамбулды екіге бөліп, Қара теңіз бен Мәрмәр теңізін жалғап тұрған Босфор бұғазының астымен жүргізілген. 55 метр тереңдікте салынған бұл нысан - әлемдегі ең терең жерасты тоннелі.

Түркия үкіметінің болжамынша, тоннель арқылы күніне 1,5 миллион адам тасымалданып, Стамбулдағы көлік қозғалысын біршама жеңілдетпек.

Жаңа теміржол тоннелі - премьер-министр Режеп Тайып Ердоған үкіметі жүзеге асырып жатқан ең ірі инфрақұрылымдық жобалардың бірі. Тоннель құрылысы 2004 жылы басталған.

Стамбулда мұндай тоннель салу идеясы осыдан 150 жыл бұрын айтылған еді.
XS
SM
MD
LG