Accessibility links

Махачкалада жараланғандардың бірі қайтыс болды


Ішімдік дүкеніндегі жарылыс. Махачкала, 30 қазан 2013 жыл.

Ішімдік дүкеніндегі жарылыс. Махачкала, 30 қазан 2013 жыл.

Ресейдегі Дағыстан астанасы Махачкалада 30 қазанда дүкендерде болған жарылыстардан жараланған 18 адамның біреуі қайтыс болды деп хабарлайды Ресейдің тергеу комитеті.

Бұған дейін Ресей төтенше жағдайлар министрлігіне сілтеме жасаған баспасөз құралдары жарылыстардан екі адам қаза тауып, 15 адам жараланғаны туралы ақпарат таратқан еді.

Сәрсенбі күні Махачкаланың Совет ауданында алкогольді ішімдіктер сататын екі дүкенде араға бірнеше минут салып бірінен соң бірі екі бомба жарылған. Жараланғандар арасында құқық қорғау орындарының қызметкерлері де бар.

Бомба жарылған соң дүкеннің бірі өртенген. Жарылыс жасағандар бой тасалап үлгерген. Қазір оларды іздестіріп жатыр.

Заң орындары қылмыстық кодекстің "кісі өлтіру" және "заңсыз қару-жарақ ұстау" баптары бойынша қылмыстық іс қозғаған.
XS
SM
MD
LG