Назарбаев Екатеринбургке барды

Қазақстан президенті Нұрсұлтан Назарбаев Қазақстан және Ресей аймақтық ынтымақтастығының 10-саммитіне қатысу үшін Ресейдің Екатеринбург қаласына барды.

Нұрсұлтан Назарбаев Екатеринбургте Ресей президенті Владимир Путинмен кездесті. Олар форумның өнеркәсіп ынтымақтастығына арналған пленарлық отырысына да қатысады.

Форум соңына қарай екіжақты ынтымақтастыққа қатысты бірқатар құжаттарға қол қойылады деген болжам бар.