Accessibility links

Польшада заң ережесін бұзған деген күдікке қалған елдің көлік министрі Славомир Новак жұма күні өз еркімен қызметтен кетті.

Мұның алдында прокуратура министр Новактың құны 6600 АҚШ долларына бағаланатын қолсағатын "салық декларациясында көрсетуді ұмытқаны" жайлы мәлімдеген еді.

Саяси серіктесінің отставкаға кетуді сұрап берген өтінішін қабыл алғанын журналистерге жеткізген Польша премьер-министрі Дональд Туск, "егер тергеу барысында оның кінәсіз екендігі дәлелденсе, әріптесінің қайтадан үкімет құрамына оралғанын қуана қабылдайтынын" айтқан.

Бұл оқиға премьер-министр басқаратын «Азаматтық платформа» партиясын тағы да ыңғайсыз жағдайда қалдырып отыр. Бұған дейін жоғары лауазымды қызметтегі партия мүшелерінің мемлекеттік қызметшінің этикасына қайшы іс-әрекеттері туралы сын айтылған еді.

2015 жылға белгіленген бүкілхалықтық сайлауға қатысуға дайындалып жатқан билік партиясы абырой-беделіне кір жұқтырмауға тырысып келеді.

AzattyqTV

30 наурыз

AzatNews

XS
SM
MD
LG