Accessibility links

«Құлагер» базары сатушылары наразылыққа шықты


Алматыда жексенбі күні өртенген «Құлагер» базарының сатушылары бүгін базар маңына жиналып, жолды жаппақ болды деп хабарлайды оқиға орнында жүрген Азаттық тілшісі.

«Құлагер» базарының Бөкейханов көшесі жағынан кіретін тұсында жиналған 200-ге тарта сатушы наразылық танытып, жолды жаппақ болған. Бірақ олардың бұл әрекетіне полиция мен арнайы жасақ сарбаздары тосқауыл қойған. Полиция ол жаққа ешкімді кіргізбей тұр.

Наразылық танытушылар қала әкімі Ахметжан Есімовтің келуін талап етіп, "әкім келмейінше тарқамайтындарын" айтқан.

17 қарашада Алматыда жұрт «Барахолка» атап кеткен бірнеше үлкен базар орналасқан аудандағы «Құлагер» базарында таңға жуық өрт шыққан еді.

Төтенше жағдайлар қызметінің мәліметі бойынша, өрттен базардың 4 мың шаршы метрге жуық аумағы жанған.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG