Accessibility links

СІМ: Қазан апатында қазақстандықтар жоқ


Қазан әуежайындағы апат орнындағы ұшақ қалдығы. 18 қараша, 2013 жыл.

Қазан әуежайындағы апат орнындағы ұшақ қалдығы. 18 қараша, 2013 жыл.

Қазандағы ұшақ апатында қаза тапқандар арасында Қазақстан азаматы жоқ. Бұл туралы Қазақстан сырты істер министрлігі мәлімдеді.

«Қазан қаласындағы Қазақстанның бас консулдығы ұшақ апатынан қаза болғандар арасында қазақстандықтар жоқ екенін айтты» делінген министрліктің ресми мәлімдемесінде.

Министрлік дерегі бойынша, ұшақ апатынан қаза тапқан Юрий Бурдин Теміртауда туғанымен, Қазақстан азаматы емес.

Ресей тергеу комитетінің мәліметі бойынша, Татарстан астанасындағы апат болған жерден ұшақтың «қара жәшігі» табылды. Қазір апатқа байланысты тексеріс басталды. Мәскеуде ұшаққа құйылған бензин тексерілуде.

Татарстанда бүгін, 18 қараша «қаралы күн» болып жарияланды.

Ресейдің төтенше жағдайлар министрлігі мәлімдеуінше, Boing 737 ұшағы жексенбі күні кешке әуежайға қонар кезде апатқа ұшыраған. Ұшақ апатынан 50 адам қаза тапқан.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG